.jpeg)
رواية داخل المشرحه الفصل التاسع عشر 19 بقلم زينب رشدي
#البارت_١٩
#داخل_المشرحه
فاقت يقين وشافت نفس الشخص قدامها اللى في المداف"ن
...: كل ده نوم
يقين:عايز اي
....: قولتلك هساعدك تخلصي حقك
يقين بابتسامة: ازاى بقا وانت اصلا مش القات"ل
.....: عرفتى ازاى بقا
يقين: مش كتير من ساعه خطف ادم
ريهام: مش قولتلك هي اللى هتكشفنى
يقين بحزن: ليه ي اسما كده
ريهام: روح انت دلوقتي
يقين: احكيلى اي وصلك لكده
ريهام: اولا اسمي ريهام انسي اسما دي
يقين بعصبيه: انا مش في الاسم دلوقتي
ريهام بحزن: قوليلى ي يقين انتى بقالك قد اي مشوفتنيش
يقين: حوالى١٣ سنه يعنى من اعدادي اخبارك اتقطعت
ريهام: طيب هحكيلك كل حاجه........
وعند منيره بتبكى وجنبها لينا بتهديها واحمد وغيث بيعملوا اتصلاتهم
لينا: ي ماما اهدي بقا ان شاءلله خير
منيره ببكاء: قلبى مش مطمن يقين فيها حاجه
احمد: طيب مش ممكن تكون مضايقه وراحت تقعد في اي مكان
منيره: كانت هتقولى ثم هتقعد فين دي من امبارح برا
لينا: مش ممكن تكون هتقابل عمها
منيره: هو مش هيرضي يقابلها اصلا وهي متعرفش شكله
غيث بقلق: اومال راحت فين بس دي مختفيه من امبارح العصر
منيره: انتوا قاعدين بتعملوا اي ما تبلغوا ولا تشوفوا حل تلت ظباط قاعدين مش عارفين يجبوها
غيث: انا كلمت حد يتابع الكاميرات من ساعه منزلت من عندي وقال هيكلمنى
منيره:جيب العواقب سليمه يارب
وبعد ربع ساعه جاه اتصال ل غيث
غيث بقلق:ايوه
الشخص:وصلت المداف"ن فضلت فتره فى المداف"ن وهي خارجه ظهر شخص ملثم شلها وركب عربيه
غيث بصدمه:يعني اي
الشخص:والله ما اعرف ي فندم المداف"ن مفهاش كاميرات وظاهر برا ان كان في شخص شايلها
غيث بعصبيه: تقلب الدنيا عليه انت فاهم يقين كده في خطر
الشخص: مينفعش ي
قفل السكه وكلم ادم
ادم: خير
غيث بضيق: ادم يقين مخطوف"ه من امبارح والظاهر ان نفسه اللى خطف"ك
ادم بصدمه: اي ازاى فهمنى
غيث قاله اللى حصل
ادم بغضب: ومستني اي يلا ننزل نشوف الكاميرات يمكن نوصل لحاجه
غيث بدموع: هيأذيها
ادم: لا معتقدش مش هياذيها يلا بسرعه مفيش وقت سلام
منيره: في اي ي غيث
غيث بحزن: يقين مخطو"فه
منيره ببكاء: لا لا جبولى بنتى حرام عليكم
غيث: انا هنزل هقلب الدنيا متقلقيش
دخلت اوضتها وسبتهم
احمد: يلا هنزل معاك
غيث: طيب
احمد: انتى كويسه
لينا بضعف: هيقتل"ها
احمد: ي حبيبتى متقوليش كده هترجع
غيث بحزن: هو لي يخط"فها عملت اي
لينا ببكاء: معرفش بس هي كانت بتقول قربت توصل ومش هتقول لحد غير لما تتاكد عشان متبقاش بتقول احتملات ولا حد يشك فيها تانى
غيث قعد بضعف وحزن: يبقى القات'ل عرف ان هي وصلت ليه انا السبب كل شويه اقولها متقوليش احتمالات
احمد: مش وقته نواح يلا نلحقها
وعند يقين
ريهام: مش بقولك كده عشان تبكى اي موافقه
يقين بدموع: موافقه
ريهام: قبل ما توافقى او ترفضي فكرى وانا هعرف ردك اكيد اول لما الهديه توصلك بكره فكرى كويس قرار مش سهل
يقين باصرار: موافقه ي ريهام وقبلت هديتك
وعند ادم وغيث
غيث: يعني اي
ادم: بقولك كل الكاميرات اللى بعد الطريق مشفره
غيث: يعني اي مشفره كلم كل مهندسين الكمبيوتر اللى معانا اتصرف
ادم: اتصرف ازاى احنا لحد دلوقتي شغالين مش قنوني
غيث: قانون اي اللى يخلينا نسيب حد مخط"وف ومندورش عليه انت الراجل شوفت عمل فيك اي اومال هي بيحصل معاها اي دلوقتي
ادم بعصبيه: وانا اعمل اي ي غيث ما هو على ايدك
احمد: هو ممكن ياذيها
ادم: معتقدش القا"تل على رايها مش بي"قتل حد من غير سبب
غيث: المرادى بقي مختلفه
آدم: انت مخبى عليا حاجه
غيث: ولا مخبى ولا زفت
احمد: ما تهدي ي غيث خلينا نعرف نفكر
وعند منيره ولينا بتجرى تفتح الباب شافت يقين قدامها
لينا بحضن: يقين
منيره حضنتها فضلت تبوس: ي حبيبتى ي بنتى كنتى فين قلبى كان هيقف
بعدت عنهم من غير ما تتكلم و
ودخلت اوضتها لينا كلمت غيث قالتله انها رجعت ومعدتش نص ساعه وكان وصل
غيث: هي فين
منيره: من ساعه ما جت دخلت اوضتها ومتكلمتش ولا كلمه
غيث: يعني اي حد اذاها فيها حاجه
لينا: منعرفش حاجه
غيث: ممكن ادخلها
لينا: يلا ندخلها سوا
خبطت لينا ودخلت وبعدين دخل وراها غيث واول لما شافها قلبه وجعه عنيها ورمت من كتر البكيه وشها دبلان باصه في اتجاه بعيد عنهم
لينا: يقين ي حبيبتى طمنينا اي حصل مين خطف"ك
يقين:......
غيث: يقين اتكلمى عشان خاطرى متوجعيش قلبي زياده حد قربلك طيب
يقين:.....
غيث: لينا سبيني معاها معلش
لينا: حاضر
غيث: يقين احكيلى اي حصل هو اللى خطف"ك صح
يقين بكت زياده
غيث مسك ايدها: اهدي اهدي مش عايز اعرف بس اهدي
يقين:بس انا عايزه ابكى
غيث حضنها:ابكى ي حبيبة قلبى المهم تبقى كويسه
يقين ببكاء:انا مش كويسه ي غيث مضايقه اوى ومش عارفه اعمل اي
غيث: طب احكيلى اي حصل معاكى ونفكر سوا نعمل اي بس متبقيش بالحاله دي
يقين: مش عايزة
غيث بيملس على شعرها: خلاص مش عايز اعرف على الاقل دلوقتي بس كفايه متعيطيش ي حبيبتى
يقين بعدت باستغراب: قولت اي
غيث مسك ايدها:ايوه بحبك وبموت فيكى ولما اختفيتى كنت هتجن ولما عرفت انك اتخطفتى روحى اتسحبت منى ومكنتش عارف اتصرف ولا ادور عليكى ولما عرفت انك رجعتى جيت جرى عشان اطمن عليكى
يقين:......
غيث: تمام انا مش عايز منك رد خالص المهم دلوقتي انك تبقى كويسه
يقين: انا عايزه انام
غيث: تمام تصبحي على خير
خرج غيث ولينا ومنيره دخلت وراه قولتلها ان عايزه انام ومش قادره اتلكم وطلعوا
وتانى يوم ادم بيتكلم بعصبيه: يعنى اي مش راضيه تتكلم
غيث: يعنى رافضه مش قادره افهم بقا
ادم بعصبيه: لا بقولك اي شغل النحنه ده مينفعش في شغلنا اللواء لو عرف انها كانت مخط"وفه ومش راضيه تتكلم هيشك فيها زياده
غيث مسكه من لياقته بضيق: ادم اتكلم كويس اتعصب واضايق على اي حد الا انا ويقين فاهم يقين خط احمر ولو سيرتها او اللى حصل وصل للواء انا هتصرف معاك
ادم بخبث: شكل غيث باشا وقع فى حب الدكتوره
غيث بضيق وزقه:ميخصكش خليك في حالك
ادم:لا يخصنى طالما خاصه بالشغل وانا بقولك مدخلش حياتك الشخصيه في الشغل
قطعهم دخول احمد: اعتقد في مصيبه تخصكم اللواء عايزكم
ادم: اهو اتفضل
غيث: اسكت ومتكلمش بس
دخلوا عند اللواء عدلى
عدلى: انتوا فين ي بشوات الق"اتل النهارده قت"ل تلت اشخاص ومن اكبر رجال الاعمال
ادم بصدمه: تلاته ازاى
عدلى: والله انا اللى المفروض اسال اتفضلوا روحوا مسرح الجري'مه ويقين هتروحلكم على هناك
غيث: يقين
عدلى: ايوه رجعت للقضيه وانت ي ادم اتكلم معاها كويس وكفايه اتهامات
ادم بضيق: ي ب....
غيث: تمام ي فندم عن اذنك
وصلوا يعتبر مع بعض التلاته
غيث: انتى كويسه
يقين: الحمدلله
ادم: يلا
دخلوا كلهم وادم وغيث اتفاجاءه واتخضوا من المنظر ومن الد'م اللى فى كل مكان التلاته متعذب'ين بطريقة تخض وكل واحد قاطع'ه اصابع معينه لكل واحد غير ان في شخص راميه على وشه م"يه ن'ار ونفس الشخص مضروب بالنا"ر والتانى بطع"نه في رقب"ته والتالت جسمه بينزف د"م في كل مكان من عدد الطعنا"ت اللى في جسمه غيث بص لقين لان توقع انها تخاف زي كل مره بس الغريب ان يقين متهزتش ولا اتاثرت من المنظر.....
عارفه ان البارت صغير بس انا تعبانه جدا ومش قادره اكتب انا كتبت ده بصعوبه عشان مزعلش حد منى
وصحيح اسلام مش القاتل لان كلكم كنتوا شكين فيه مع ان الواد كان طيب وكل مشكله ان بيحب يقين اعتقد مفيش غير تلت اشخاص بس اللى اتوقعوا صح
#بقلمى_زينب_رشدي
